ผญาอิสาน กล่าวถึงเรื่องของทุกข์-สุข
58 ความคิดเห็น
โดย pa_daeng เมื่อ 21 กันยายน 2008 เวลา 12:20 ในหมวดหมู่ วัฒนธรรม ประเพณี วิถีชีวิต #
อ่าน: 3476 - ทุกข์เพิ่นบ่ว่าดี มีจั่งว่าพี่น้อง ลุงป้าเอิ้นว่าหลาน
- ทุกข์คอบปาก ยากคอบท้อง เคยแล้วอยู่บ่เป็น
- ทุกข์บ่มีเสื้อผ้า ฝาเฮือนเพกะพออยู่ ทุกข์บ่มีข้าวอยู่ท้อง นอนลี้อยู่บ่เป็น
- ทุกข์กายอยู่ได้ ทุกข์ใจอยู่ยาก
- ทุกข์ให้เลี้ยงม้า กำพร้าให้เลี้ยงหมู
- บ่ทุกข์บ่ยาก บ่อึดบ่อยาก
- มีเงินเว้าได้ มีไม้เฮ็ดเฮือนงาม
- มีเงินให้เพิ่นกู้ มีซู้ให้เพิ่นเล่น (นี่กะทุกข์)
- สุขเพราะมีข้าวกิน สุขเพราะมีดินอยู่
สุขเพราะมีคู่นอนนำ สุขเพราะมีคำเต็มไถ่
สุขเพราะมีเฮือนใหญ่มุงแป้นกระดาน สุขเพราะหลานหลายนั่งเฝ้า - อยากทุกข์ให้เป็นนายคน อยากสาละวนให้เอาเมียน้อย
- อยากจนให้ขี้ถี่ อยากมีให้ทาน
- อยากทุกข์ให้เป็นนาย อยากซำบายให้เป็นแหล่ง
- อยากทุกข์ให้ค้าควย (ควาย) อยากรวยให้ค้าโบกค้าเบี้ย
- อยากมีหลายมันไฮ้ อยากได้หลายมันตาย
- อยากมีให้ยืมเงินเพิ่นไปค้า อยากขึ้นฟ้าให้ฆ่าเจ้าเอาของ
- ทุกข์ยากฮ้าย ขอขอดแลงงายก็ดี อย่าได้ลืมคำสัตย์ เที่ยงจริงคำมั่น
